Glæsilegt dansmót í Smáranum
Opna UMSK dansmótið var haldið í Smáranum í Kópavogi um helgina. Mótið var hið glæsilegasta, bæði umgjörð og framkvæmd er dansfélögunum í Kópavogi til mikilla sóma. Í ár komu þrettán erlend danspör frá Danmörku, Írlandi og Noregi og nokkuð ljóst að hróður mótsins hefur farið víða. Félögin inna UMSK keppa um bikar á mótinu og vann Dansíþróttafélag Kópavogs bikarinn í ár.
