Hnefaleikasamband Íslands stofnað

0
1795

Í gær var Stofnþing Hnefaleikasambands Íslands haldið í Íþróttamiðstöðinni í Laugardal. Lárus L. Blöndal forseti ÍSÍ setti þingið og stýrði því. Með stofnun Hnefaleikasambands Íslands eru sérsambönd ÍSÍ orðin 31 talsins.

Ásdís Rósa Gunnarsdóttir var einróma kjörin fyrsti formaður sambandsins en aðrir í stjórn eru Árni Stefán Ásgeirsson, Bergþór Hólmarsson, Eyrún Inga Sævarsdóttir, Jónas Heiðar Birgisson, Karen Ósk Nielsen Björnsdóttir og Stefán Breiðfjörð Gunnlaugsson. Í varastjórn sambandsins voru kjörin þau Rakel Gísladóttir, Berglind Gunnarsdóttir og Sólveig Harpa Helgadóttir.

Í ávarpi Lárusar fór hann yfir það helsta úr sögu ólympískra hnefaleika á Íslandi og starfi Hnefaleikanefndar ÍSÍ. Ásdís Rósa Gunnarsdóttir nýkjörinn formaður sambandsins ávarpaði einnig þingið.

Ólympískir hnefaleikar eru nú stundaðir í 6 félögum í 5 íþróttahéruðum og til viðbótar er í farvegi umsókn hnefaleikafélags á Akureyri. Alls eru iðkendur í ólympískum hnefaleikum nú ríflega 730 talsins.

20150930_185359 (640x360)

Á myndinni eru þau Valdimar Leo Friðriksson formaður UMSK og Karen Ósk Nielsen Björnsdóttir formaður Hnefaleikafélags Kópavogs sem er nýtt félag innan UMSK

Senda skilaboð

Please enter your comment!
Please enter your name here

This site uses Akismet to reduce spam. Learn how your comment data is processed.