651 flokkur karla í körfuknattleik gerði gott mót og endaði í 2. sæti í deildinni og tryggði sér þannig sæti í úrvalsdeild. Mikill stígandi hefur verið í yngri flokka starfi körfuknattleiksdeildar Breiðabliks og er deildin orðin ein sú fjölmennasta á landinu. Unglingaflokkur karla varð bikarmeistari og 8. flokkur karla varð Íslandsmeistari.“966 Árið 2019 var ákveðið að gera körfuknattleik að heilsársíþrótt innan Breiðabliks og fjölga æfingum yfir sumarmánuðina. Meistaraflokkur kvenna lék í efstu deild og komst í undanúrslit í bikarkeppni KKÍ. Yngri flokkarnir stóðu sig einnig vel. HK-körfur – 1982 Haustið 1982 tók körfuknattleiksdeild til starfa innan HK, Eggert Ólafsson var kjörinn formaður hennar og sá hann einnig um þjálfun innan deildarinnar. Áhersla var lögð á meistaraflokk karla en einnig fóru fram æfingar í svonefndum minnibolta. Æft var í Íþróttahúsi Kópavogsskóla og Íþróttahúsi Kársnesskóla en baráttan um gólffjalir og gerviefni sagði til sín, mikil samkeppni var milli íþróttagreina, íþróttadeilda og félaga um æfingatíma. Körfuspilurum úr HK var til dæmis úthlutað æfingatímum á miðvikudagskvöldum sem stóðu fram undir miðnætti. Árið 1984 gaf HK út kynningarrit um starfsemi sína sem þá var skipt í fjórar deildir: handknattleiksdeild, blakdeild, tennis- og badmintondeild og körfuknattleiksdeild. Um starfsemi þeirrar síðarnefndu segir: „Um upphafsár starfsemi körfuknattleiksdeildarinnar gildir hið sama og um íþróttastarf yfirleitt í þessu landi. Þ.e.a.s. það byggist á sjálfboðavinnu, fórnfýsi, áhuga og bjartsýni á starfinu og velvild fyrirtækja og hér í Kópavogi síðast en ekki síst á myndarlegum stuðningi bæjarfélagsins. Þannig hefur stjórn körfuknattleiksdeildarinnar séð að langmestum hluta um þjálfun flokkanna auk stjórnunarinnar sjálfrar. … Það er enginn vafi á því að vinsældir körfuknattleiksins í Kópavogi sem og á landinu öllu munu halda áfram að aukast á komandi árum. Kópavogur hefur löngum verið bær handknattleiks, knattspyrnu og fimleika fremur en körfuknattleiks.“967 Þrátt fyrir þessi bjartsýnisorð náði körfuknattleikurinn ekki að festa rætur til langframa innan HK. Starf deildarinnar lagðist niður og nú á dögum er ekki iðkaður körfubolti á vegum félagsins. Mosakörfur – 1993 Haustið 1993 var körfuknattleiksdeild stofnuð innan Aftureldingar, fyrstu formenn hennar voru Halldór Bjarnason og Kristján Örn Jónsson. Aðstöðuleysi háði starfseminni í fyrstu og lagðist deildin í dvala um skeið. Nýtt íþróttahús að Varmá var tekið í notkun árið 1998 og fimm árum síðar var deildin endurvakin. Særún Ingimundardóttir varð formaður og Friðrik G. Sigurðsson var ráðinn þjálfari. Í fyrstu voru aðeins æfingar tvisvar í viku fyrir einn flokk, 13–14 ára pilta úr 8. bekk, um 15 talsins. Starfið náði ágætu flugi og árið 2006 fékk deildin viðurkenningu sem fyrirmyndardeild. Þátttakendur skiptu nokkrum tugum, flestir voru á unglingsaldri, einkum piltar sem tóku þátt í Íslandsmótinu það árið. Síðustu ár hafa æfingar verið stundaðar á Varmá en þó einkum í íþróttasal Lágafellsskóla sem kom til sögunnar árið 2007 og hentar vel fyrir körfubolta, þótt þar skorti að vísu svæði fyrir áhorfendur. Æfingarnar eru bæði fyrir pilta og stúlkur og tekur aldursskiptingin mið af bekkjaskiptingu grunnskólanna frá 1. upp í 9. bekk. Síðustu ár hefur Sævaldur Bjarnason verið yfirþjálfari hjá deildinni og gegnt þar lykilhlutverki en alls kemur heill tugur þjálfara að þjálfun hinna ýmsu aldursflokka. Á aldarafmæli UMSK 2022 var Ingvar Ormarsson formaður deildarinnar, hann sagði í blaðaviðtali árið 2019: „Það hefur orðið töluverð fjölgun hjá okkur á undanförnu ári og ljóst að körfuboltinn er að festa sig í sessi í Mosfellsbæ … Um 70 börn stunda körfubolta með Aftureldingu og tók iðkendafjöldinn nokkurn kipp á árinu 2018. Það er góður hópur foreldra sem heldur utan um starfið og við finnum fyrir miklum meðbyr. Við sendum t.d. í fyrsta sinn stelpulið til keppni í vetur sem er stór áfangi fyrir okkur,“ segir Ingvar. „Næsta verkefni er mótahald en með auknum iðkendafjölda verða meiri kröfur um að við tökum að okkur Öflugt yngri flokka starf er hjá körfuknattleiksdeild Aftureldingar.
RkJQdWJsaXNoZXIy MjQwMzI0OQ==