632 Handknattleiksfélag Kópavogs (HK) HK hefur ætíð risið undir nafni í orðsins fyllstu merkingu, það var stofnað kringum handknattleik og hefur alla tíð verið öflugt á þeim vettvangi. HK-piltarnir urðu strax sigursælir í yngri flokkunum og framfarir mjög örar. Fljótlega eftir stofnun félagsins var leitað eftir inngöngu í UMSK, Magnús Gíslason, fyrsti formaður HK, segir frá: „Var umsókn um inngöngu HK í UMSK lögð inn og sátum við ungu strákarnir þingið sem gestir innan um alla jaxlana frá hinum félögunum. Eftir miklar umræður og pústra varð HK fullgilt aðildarfélag. Við tókum því þátt í fyrsta Íslandsmóti okkar sem löglegt félag veturinn 1970–1971 og fóru leikirnir fram í íþróttahúsinu á Seltjarnarnesi. Sendum við tvö lið til keppninnar, 3. og 4. flokk karla og var leikið í þremur riðlum þ.e. Reykjanesriðli, Reykjavíkurriðli og Norðurlandsriðli. Í okkar riðli voru því Grótta, UMFA, UBK, Stjarnan, FH, Haukar og Keflavík. … Árið 1974 var aftur komið upp vandamál með æfingaaðstöðu hjá félaginu, fengum aðeins 7 tíma fyrir þrjá flokka. Horfðu menn þá með björtum augum til íþróttahússins í Digranesi sem þá átti að fara að byggja. Framkvæmdir við þá byggingu töfðust hins vegar fram úr hófi og tókst ekki að ljúka þeim fyrr en tíu árum síðar. Var húsið loks tekið í notkun árið 1983.“921 Fimm árum eftir stofnun HK var komið að því að taka þátt í keppni í meistaraflokki karla í 3. deild, veturinn 1975–1976. Kristófer Magnússon var þjálfari liðsins, heimavöllur þess var í íþróttahúsinu Ásgarði í Garðabæ því enn var enginn löglegur keppnisvöllur til staðar í Kópavogi. Ótrúlegt ævintýri var að gerast, kraftur grasrótarinnar var mikill og sjálfboðastarf ómælt. Ýmislegt var gert til að afla fjár til starfsins, meðal annars var Félagsheimili Kópavogs tekið á leigu og efnt til dansleikja með þekktum hljómsveitum, til dæmis Roof tops og hljómsveitinni Svanfríði. Í janúarmánuði 1977 tók Axel Axelsson við þjálfun karlaliðs HK, skipti það engum togum að liðið vann Auglýsing um handknattleiksmót UMSK sem haldið var árið 2019 í Kórnum í Kópavogi. Liggur HK-mark í loftinu?
RkJQdWJsaXNoZXIy MjQwMzI0OQ==