546 Keilan kveður sér hljóðs Keiluíþróttin á sér langa sögu erlendis, bæði sem keppnisíþrótt og afþreying. Líkt og margar aðrar íþróttagreinar barst hún harla seint til Íslands eða árið 1985 þegar keilusalurinn í Öskjuhlíð var opnaður. Frá árinu 1988 hefur íþróttagreinin verið innan vébanda ÍSÍ og Keilusamband Íslands var stofnað árið 1992. Um það leyti voru fjögur keilufélög starfandi á Íslandi: Keilufélag Reykjavíkur, Keiludeild KR, Keilufélag Suðurnesja og Keilufélag Garðabæjar sem var stofnað árið 1989 eins og fram kom í ársskýrslu UMSK: „Keilufélag Garðabæjar var stofnað 25. maí 1989 af 24 aðilum. Skráðir félagar eru 95. Markmið félagsins er (1) að efla keiluíþróttina og standa vörð um hagsmuni og réttindi félagsmanna, (2) að efla og treysta samskipti við önnur keilufélög og greiða fyrir samskiptum við félagsmenn þeirra, (3) að taka þátt í stefnumótun varðandi framtíðarskipan keiluíþróttarinnar á Íslandi.“737 Lúðvík Wdowiak var fyrsti formaður félagsins sem gekk í UMSK árið 1990. Með keilufélögunum skutu keilusalir upp kollinum, áðurnefndur salur í Öskjuhlíð er með 18 brautir, Keiluland í Garðabæ með 11 brautir og Keilubær í Keflavík með sex brautir. Eftir að íþróttagreinin festi rætur í UMSK voru haldin meistararamót í keilu innan samKvennahlaup ÍSÍ Forsaga hins vinsæla kvennahlaups ÍSÍ er þannig: Seint á 9. áratugnum fór forystufólk úr ÍSÍ í ferð til Finnlands þar sem það frétti af viðamiklum hlaupaviðburði sem væri eingöngu ætlaður konum. Í kjölfarið var ákveðið að efna til svipaðs viðburðar á Íslandi. Lovísa Einarsdóttir tók sæti í stjórn ÍSÍ árið 1986 en hún og Katrín Gunnarsdóttir voru fyrstu konurnar í stjórn sambandsins.735 Katrín var formaður UMSK 1985–1986 og Lovísa starfaði mikið innan fimleikadeildar Stjörnunnar, henni var falið að sjá til þess að koma hlaupinu í kring í tengslum við íþróttahátíð ÍSÍ árið 1990. Það fór fram 30. júní í Garðabæ og sáu Lovísa og Stefán Konráðsson um undirbúning og framkvæmd þess.736 Ákveðið var að viðburðurinn yrði ekki kapphlaup heldur snerist hann fyrst og fremst um fjöldaþátttöku kvenna víðsvegar af landinu, um 2500 konur tóku þátt í fyrsta hlaupinu. Tíu árum síðar, um aldamótin, voru þátttakendur um 20 þúsund, það fer fram árlega í júnímánuði víða um land en Garðabær hefur ævinlega verið þungamiðja hlaupsins þar sem meðfylgjandi mynd var tekin, upphitun stendur yfir.
RkJQdWJsaXNoZXIy MjQwMzI0OQ==