505 Glíma Glíma er sennilega keltnesk að uppruna og var iðkuð erlendis áður en Ísland byggðist en íþróttin hefur þróast, mótast og lifað með íslenskri þjóð allt frá landnámstíð og er hennar víða getið í fornritum.648 Mismunandi tilgátur hafa verið settar fram um uppruna orðsins glíma.649 Orðið á sér djúpar rætur í germönskum tungumálum og merkir leiftur eða ljósblik og vísar til þess að í þessari íþrótt þurfa iðkendur að vera leiftursnöggir í hreyfingum.650 Upphafleg merking orðsins gæti líka verið „leikur“ eða „skemmtun“.651 Þegar félagsleg vakning kom til sögunnar á Íslandi á síðari hluta 19. aldar var þessi forna íþróttagrein ekki skilin eftir á flæðiskeri. Glímufélag Reykjavíkur var stofnað árið 1873, Glímufélagið Ármann árið 1888 og eftir að hreyfing ungmennafélaga hóf að gera sig gildandi snemma á 20. öld var glímunni hampað, bæði á æfingum og í keppni. Íþróttasamband Íslands (ÍSÍ) gaf út kennslubók í glímu árið 1916. Íslenskir ungmennafélagar sýndu glímu á Ólympíuleikunum í London árið 1908 og var það fyrsta utanför íslenskra íþróttamanna. Ferðin varð allsöguleg því þeir neituðu að fylkja liði undir danska fánanum, kusu frekar hinn umdeilda hvítbláa fána sem varð síðar fáni UMFÍ. Foringi glímukappanna var Jóhannes Jósefsson (1883–1968), sá mikli ungmennafélagsfrömuður, hann keppti í grísk-rómverskri glímu (undir dönskum fána) í London og varð fyrsti Íslendingurinn sem keppti á Ólympíuleikum. Hópur Íslendinga sýndi einnig glímu á Ólympíuleikunum í Stokkhólmi árið 1912, frá því segir í samtímaheimild: „Við gengum inn á leikvanginn, undir nafnskildi okkar og litla hópnum okkar var fagnað með dynjandi lófaklappi. En sem við mátti búast voru áhorfendur fáir, – eftir því sem þar var vant að vera, – fólk orðið þreytt að Bardagaíþróttir „Bardagaíþrótt er íþrótt þar sem tveir eða fleiri keppa í bardaga í návígi samkvæmt tilteknum keppnisreglum ýmist með eða án vopna. Dæmi um bardagaíþróttir eru hnefaleikar, glíma, sjálfsvarnaríþróttir og skylmingar.“646 Hér er lýst íþróttagreinum sem eru gamlar í hettunni en hafa skotið rótum á Íslandi á síðustu áratugum, þó með einni undantekningu sem er glíman, hún hefur átt samleið með þjóðinni frá upphafi vega, enda oft kölluð þjóðaríþrótt Íslendinga. Í þessum kafla byrjum við á að spenna á okkur íslensku glímubeltin. Stígið! Hvað er að frétta af Álftanesinu? Samkvæmt ársskýrslu UMSK fyrir árið 2010 var þetta meðal tíðinda hjá Ungmennafélagi Álftaness: „Ungmennafélag Álftaness er með 5 deildir starfræktar, þ.e. knattspyrnudeild, körfuknattleiksdeild, tennisdeild, blakdeild og frjálsíþróttadeild. Félagið er einnig í samstarfi við sunddeild Stjörnunnar og boðið er upp á æfingar í Álftaneslaug auk þess sem iðkendur UMFÁ eiga kost á að sækja æfingar í Garðabæ. Knattspyrnudeildin er nú með tilraunaverkefni í gangi fyrir yngstu iðkendurna í 8. flokki, þ.e. tvo elstu árgangana í leikskóla. Deildin færði æfingarnar fyrr á daginn og býður upp á að þjálfarar og aðstoðarmenn sæki börnin í leikskólana. Þetta hefur mælst mjög vel fyrir en rúmlega 50 iðkendur stunda æfingar i flokknum. UMFÁ býður einnig upp á íþróttaskóla barnanna, þar sem börn á leikskólaaldri geta stundað alhliða hreyfinám undir handleiðslu þriggja íþróttafræðinga. Skokkhópur var formlega stofnaður í haust. Forsvarsmenn hópsins hafa aðstoðað nýliða við að komast af stað og hefur hlaupurum fjölgað töluvert á síðustu mánuðum. Almenningi stendur til boða að sækja svokallaða „þrektíma“ en þar reynir á þol og þrek iðkenda gegnum fjölbreyttar aðferðir. Reyndur íþróttafræðingur heldur utan um æfingarnar og iðkendur fá m.a. að kynnast hotyoga, tabata og fitnessbox.“647 Siðareglur Á aðalfundi HK árið 2009 voru siðareglur félagsins samþykktar og þar með varð HK fyrsta íþróttafélag landsins sem setti sér slíkar reglur. Þær gilda fyrir stjórnarmenn, iðkendur, foreldra, þjálfara og starfsmenn og voru unnar í samvinnu við UMSK og forvarnaverkefnið Blátt áfram. Mörg félög innan UMSK hafa farið í svipaða vinnu og skráð sínar siðareglur. Þær festa ákveðin vinnubrögð í sessi, styrkja félagsstarfið og eru stundum fléttaðar inn í þjálfarasamninga hjá félögunum.
RkJQdWJsaXNoZXIy MjQwMzI0OQ==