496 sínar, reykblysum var brugðið á loft og 600 hvítum og bláum blöðrum var sleppt lausum. 25. landsmót UMFÍ var hafið. Heimamenn mæta til leiks 250 keppendur úr UMSK mættu til leiks en sérstök undirbúningsnefnd hafði verið skipuð til að hafa umsjón með þátttöku UMSK í mótinu. Í nefndinni sátu Ester Jónsdóttir, Alda Helgadóttir, Svanur M. Gestsson, Hraunar Daníelsson og Anna Kristín Sveinsdóttir. Til aðgreiningar frá áðurnefndri landsmótsnefnd var þessi nefnd stundum kölluð „Litla sæta landsmótsnefndin“ og hafði í mörg horn að líta. Samið var um kaup á 400 utanyfirgöllum, auk keppnisbúninga fyrir þátttakendur úr UMSK. Styrkur kom frá Sparisjóði Kópavogs um kaup á búningunum sem þóttu afar glæsilegir. Einnig vann nefndin að því að fá eldri ungmennafélaga í keppni í ýmsar greinar sem hentuðu þeim. Að venju var UMSK-tjaldið sett upp, að þessu sinni var ekki boðið upp á morgunverð eða kvöldverð, þar eð flestir þátttakendur úr UMSK bjuggu í grenndinni. Hinsvegar var hægt að fá kaffi og meðlæti í tjaldinu sem var kærkominn staður fyrir UMSK-fólkið til að hittast. Frá mótssetningunni á Kópavogsvelli. Gunnar Birgisson, bæjarstjóri Kópavogs, var sæmdur gullmerki UMFÍ. Björn B. Jónsson, formaður UMFÍ, til hægri. Bubbi Morthens söng við mótssetninguna, Jakob Smári Magnússon bassaleikari til hægri.
RkJQdWJsaXNoZXIy MjQwMzI0OQ==