458 sýslu þjóðsönginn við undirleik Lúðrasveitar Þorlákshafnar og Þórir Jónsson setti mótið, árið áður hafði hann tekið við formennsku í UMFÍ af Pálma Gíslasyni. Þá tók Vigdís Finnbogadóttir, forseti Íslands, til máls og minnti meðal annars á þá mannrækt sem væri við lýði innan ungmennafélagshreyfingarinnar. Þórir Þorgeirsson, íþróttakennari á Laugarvatni, var heiðursgestur landsmótsins, hann ávarpaði mótsgesti og Þórdís Gísladóttir flutti ávarp fyrir hönd íþróttafólks, síðan var almennur söngur. Næst fór fram glímusýning, einnig fimleikasýning þar sem fimleikafólk úr Ármanni og Stjörnunni sýndi leikni sína. UMSK mætir til leiks Í aðdraganda mótsins var skipuð sérstök landsmótsnefnd innan UMSK, í henni sátu Ester Jónsdóttir, Alda Helgadóttir og Jóna Þorvarðardóttir. Birgir Ari Hilmarsson, framkvæmdastjóri félagsins, starfaði með nefndinni, einnig voru sérgreinastjórar í nær öllum íþróttagreinum sem undirbjuggu þátttöku UMSK í mótinu. Keppnisbúningar voru þeir sömu og fyrr, svartir og rauðir, en nýir utanyfirbúningar komu til sögunnar og þóttu lukkast vel. Á 4. hundrað manns keppti fyrir hönd UMSK á Laugarvatni, ferðir, matur og búningar voru keppendum að kostnaðarlausu og í ársskýrslu sambandsins segir þannig frá matarmálunum: „Að venju var sett upp mötuneyti í stóra tjaldi sambandsins og var þar afgreiddur matur til keppenda og fylgifiska UMSK. Fjölmargir lögðu hönd á plóginn í sambandi við það, bæði með því að taka vaktir í tjaldinu og einnig með því að afla hráefnis, ýmist ókeypis eða með góðum afslætti og voru ófá fyrirtæki sem styrktu liðið með matvælum. Enda var kostnaður við fæði handa öllum þeim fjölda sem sótti tjaldið heim ótrúlega lítill.“570 Keppni um stig og sigur Stigagjöfin umdeilda, sem var við lýði í Mosfellsbæ árið 1990, var endurskoðuð fyrir mótið og vægi frjálsra íþrótta og sundsins fært til fyrra horfs. Keppt var í 73 greinum á Laugarvatni, jafnmörgum og í Mosfellsbæ, alls tóku um 1700 keppendur þátt í þeim. Í heildarstigakeppninni vann HSK glæstan sigur, hlaut 628,5 stig og náði að endurheimta bikarinn sem UMSK vann í Mosfellsbænum. UMSK lenti í öðru sæti með 524 stig og HSÞ hafnaði í 3. sæti. Horft yfir landsmótssvæðið á Laugarvatni, mótssetning stendur yfir. Héraðsskólinn er efst til vinstri, íþróttahús og sundlaug efst fyrir miðri mynd og íþróttakennaraskólinn neðarlega til hægri. Heitar gufur stíga upp niðri við vatnið þar sem baðstaðurinn Fontana reis síðar.
RkJQdWJsaXNoZXIy MjQwMzI0OQ==