450 Haukadal árið 1940 og á Akranesi árið 1975. HSK lenti í öðru sæti og Eyfirðingar í því þriðja. Alls fengu 29 félög og sambönd stig á mótinu. Reglum um stigagjöf hafði verið breytt verulega fyrir mótið og urðu þær afar umdeildar. Vægi frjálsra íþrótta og sunds var minnkað í stigagjöfinni og töldu Skarphéðinsmenn það bitna verulega á sér.556 Björn Jónsson, formaður HSK, sagði eftir mótið: „Það er dálítið merkilegt að tapa á Landsmóti þegar við vinnum okkar stærsta sigur í frjálsum íþróttum frá upphafi. … Ég er nokkuð viss um að eftir þrjú ár verður búið að breyta stigagjöfinni aftur en þó ekki eins og hún var, því það þurfti að breyta henni. Það þarf að jafna meira vægi íþróttagreina.“557 Hafsteinn Pálsson, formaður UMSK, sagði af sama tilefni: „Ég er mjög ánægður með árangur okkar fólks. Við hugsum aðeins um að vera með og það á sem glæsilegastan hátt. Mér sýnist að þessi stigagjöf sýni betur breiddina í öllum greinum, ekki bara í sundi og frjálsum.“558 Um 5000 manns sóttu mótið sem var langt undir væntingum. Þrátt fyrir afleitt veður voru flestir sammála um að landsmótið hefði verið vel heppnað. Ólína Sveinsdóttir, formaður landsmótsnefndar UMSK, sagði í viðtali eftir mótið: „Þetta er besta aðstaðan sem verið hefur á landsmóti til þessa. Reyndar vantaði áhorfendur, en ég held að það hafi verið vegna nálægðar við Reykjavík. Það heillar ekki að fara á landsmót svona nálægt borginni.“559 Mikið fjárhagslegt tap var á mótinu og það dró dilk á eftir sér næstu árin. Kostnaðaráætlun fór úr böndunum og stóð sambandið afar illa fjárhagslega að móti loknu. Stjórn UMSK tók lán með sjálfskuldarábyrgð og fór í ýmsar aðhaldsaðgerðir og samninga við lánardrottna. Stjórnin var ákveðin í því að aðildarfélögin myndu ekki gjalda fyrir bága stöðu sambandsins. Svanur M. Gestsson varð formaður UMSK árið 1993 og þá var stjórn sambandsins enn að glíma við tapið frá 1990, hann sagði í viðtali árið 2018: „Það var mikið tap á landsmótinu og það lenti á okkur stjórnarmönnum að taka á þeim vanda. UMSK skuldaði mjög mikið og dró saman seglin um skeið.“560 Framhaldslíf Gogga galvaska Goggi galvaski, sem var táknmynd landsmótsins í Mosfellsbæ árið 1990, öðlaðist nokkurskonar framhaldslíf eftir mótið því næstu árin voru haldin frjálsíþróttamót á Varmárvelli undir þessu nafni. Þau voru hugsuð fyrir krakka á aldrinum 6–14 ára hvaðanæva af landinu og UMSK fagnar sigri í mótslok í Íþróttahúsinu á Varmá, Hafsteinn Pálsson, formaður UMSK, hampar verðlaunagripnum. Ljósmynd: Árni Sæberg.
RkJQdWJsaXNoZXIy MjQwMzI0OQ==