437 UMSK að sjá um framkvæmd 20. landsmóts UMFÍ árið 1990. Þetta tilkynnist ykkur hér með. Með UMFÍ kveðju Íslandi allt f.h. framkv.stj. UMFÍ. Hörður S. Óskarsson.“536 Verður aðsóknarmetið slegið? Í undirbúningsnefnd UMSK fyrir landsmótið sátu Pálmi Gíslason, Þorgrímur Októsson, Gunnar Páll Pálsson, Magnús Jakobsson og Þórarinn Jónsson. Síðar tók við fjölmenn landsmótsnefnd undir formennsku Kristjáns Sveinbjörnssonar en einnig var að störfum sérstök landsmótsnefnd innan UMSK, í henni sátu Ólína Sveinsdóttir (formaður), Ester Jónsdóttir og Ingólfur Steindórsson. Hlutverk þeirrar nefndar var meðal annars að fá keppendur í allar greinar, það tókst nema líkt og stundum áður fannst enginn keppandi í glímu. Ólína ritaði í 16 síðna landsmótsblað UMSK sem kom út í dagblaðsformi skömmu fyrir mótið: „20. Landsmótið verður fjölmennasta mótið til þessa og gert er ráð fyrir á þriðja þúsund keppenda. Við leggjum metnað okkar í að mótið verði sem glæsilegast og með hjálp félagsmanna ætti það að takast.“537 Ester Jónsdóttir rifjar upp þetta nefndarstarf í viðtali: „Það var mikil vinna í kringum þetta mót og margir sem lögðu nótt við dag í marga mánuði til að gera það sem glæsilegast. Á Varmárvelli var allt til alls fyrir keppendur og áhorfendur en því miður var veðrið afar slæmt og það bitnaði á aðsókninni. Í minningunni er þetta mótið sem fauk.“538 Einar Sigurðsson var ráðinn framkvæmdastjóri UMSK árið 1987 og vann mikið að undirbúningi landsmótsins, árið 1989 var skrifstofa sambandsins flutt í gamla verksmiðjuhverfið á Álafossi til að vera sem næst vettvangi mótsins. Búist var við miklum fjölda gesta á Varmá eða allt að 30 þúsund manns sem myndi slá öll fyrri aðsóknarmet á landsmótum. Fjarlægðir ættu ekki að tefja för, MosfellsÞríeykið sem hafði það hlutverk að velja keppendur UMSK í einstökum greinum. Talið frá vinstri: Ester Jónsdóttir, Ólína Sveinsdóttir og Ingólfur Steindórsson. Einar Sigurðsson, framkvæmdastjóri UMSK, stóð í ströngu.
RkJQdWJsaXNoZXIy MjQwMzI0OQ==