431 Golfklúbbur Hvammsvíkur – 1992 Golfklúbbur Hvammsvíkur var stofnaður árið 1992 og gekk sama ár í UMSK. Kolbeinn Sigurjónsson var fyrsti formaður klúbbsins sem haslaði sér golfvöll á bújörðinni Hvammsvík í Kjósarhreppi við utanverðan Hvalfjörð. Búskapur hafði verið aflagður í Hvammsvík nokkrum áratugum fyrr en nýir eigendur byggðu upp ferðamennsku á staðnum og þar er jarðhiti sem hefur verið nýttur. Golfvöllurinn var opnaður árið 1992 og var honum lýst þannig: „Í Hvammsvík er 9 holu golfvöllur, miðlungs erfiður. Samanlagt par vallarins er 34. Völlurinn er góður byrjenda- og æfingavöllur, en einnig mjög hentugur fyrir starfsmannamót sem og önnur minni golfmót.“514 Golfvöllurinn er ekki lengur opinn fyrir almenning og Golfklúbbur Hvammsvíkur heyrir nú sögunni til. Golfklúbburinn Oddur (GO) – 1993 Golfklúbburinn Oddur í Garðabæ á sér afar áhugaverða sögu. Vallaraðstaða klúbbsins er í landi Urriðakots sem er gamalt býli skammt frá Hafnarfirði. Þar hófst búseta á miðöldum, árið 1932 var bústofninn 140 sauðkindur, fimm kýr og tvö hross. Mjólkin var seld til Hafnarfjarðar en þar að auki voru 20 sauðir á bænum þegar mest var, þeir gengu sjálfala í hrauninu og leituðu sér skjóls í hellum og skútum. Urriðakot fór endanlega í eyði árið 1960.515 Árið 1946 keyptu félagar úr Oddfellowreglunni jörðina sem var um 500 hektarar að stærð. Þeir höfðu uppi hugmyndir um að reisa þar sumarbústaði og sumardvalarheimili fyrir börn og aldraða reglubræður, en ekkert varð úr þeim hugmyndum og var landsvæðið lítið notað næstu áratugina. En árið 1988 gáfu Oddfellowar út svonefnda hvítbók um náttúru og lífríki landsvæðisins, þar voru settar fram hugmyndir um útivistarparadís á landinu, meðal annars rætt um göngustíga, skógrækt og golfvöll. Golfklúbbur Oddfellowa (GOF) var stofnaður árið 1990 og tveimur árum síðar var níu holu golfvöllur, Urriðavöllur, tekinn í notkun.516 Áfram var unnið að því að breyta hinni gömlu bújörð í útivistarsvæði, golfvöllurinn var stækkaður og 18 holu völlur vígður 8. ágúst 1997. Um hönnun sá Hannes Þorsteinsson golfarkitekt í samvinnu við Þráin Hauksson landslagsarkitekt. Vellinum er lýst þannig á heimasíðu golfklúbbsins: „Við hönnunina var höfuðáhersla lögð á að nýta sérkenni landslagsins. Undir hraunjaðrinum eru margar holuflatir þannig að jaðarinn myndar fagurt baksvið. Þá eru teigar uppi í hraunjaðrinum til þess að skapa yfirsýn yfir brautina framundan. Ein hola er að öllu leyti inni í hrauninu. Efstu holur vallarins eru í 100 metra hæð yfir sjó, en flestar þeirra í 60–70 metrum yfir sjó. Öllum brautum vallarins hafa verið gefin heiti, sem sótt eru í gömul örnefni eða landslag í Urriðakotslandi.“517 Töluvert er af minjum úr seinni heimsstyrjöld á þessu landsvæði, til dæmis stóð kvikmyndahús hernámsliðsins þar sem 14. golfbraut vallarins er núna. Golfklúbbur Oddfellowa var í fyrstu lokaður klúbbur og ekki aðili að Golfsambandi Íslands en það breyttist 14. júlí 1993 þegar nýr golfklúbbur var stofnaður sem fékk nafnið Golfklúbburinn Oddur. Ári síðar gekk hann í UMSK. Óskar G. Sigurðsson var kjörinn fyrsti formaður klúbbsins. Byggður var golfskáli við völlinn árið 1992 og 350 fermetra veitinga- og klúbbhús var vígt árið 2004 með glæsilegu útsýni yfir Urriðavöll. Arkitekt hússins er Verðlaunahafar á meistaramóti Odds árið 2016.
RkJQdWJsaXNoZXIy MjQwMzI0OQ==