428 Golf í Mosfellsbæ Fyrsti golfklúbburinn í Mosfellsbæ var stofnaður árið 1980, annar 11 árum síðar og árið 2014 sameinuðust þessir tveir klúbbar undir nafninu Golfklúbbur Mosfellsbæjar. Hér verður þessi saga rakin í stuttu máli. Golfklúbburinn Kjölur (GKJ) var stofnaður 7. desember 1980 og gekk fljótlega í UMSK. Örn Höskuldsson var kosinn fyrsti formaður klúbbsins og gegndi formennskunni um árabil. Þegar Kjölur var stofnaður bjuggu hátt í þrjú þúsund manns í Mosfellsbæ.506 Sveitarfélagið var í örum vexti og félagar í Kili voru hátt í hundrað innan fárra ára. Þeir fengu strax augastað á landi við Leiruvog fyrir golfvöll, hófu þar stórfellda uppbyggingu á 20 hektara landsvæði, níu holu völlur varð að veruleika með fallegu útsýni yfir strönd og haf, hann fékk nafnið Hlíðavöllur. Einnig var unnið að byggingu golfskála við völlinn, mikið í sjálfboðavinnu. Völlurinn og skálinn voru opnaðir í júlí 1986 og fyrsta mótið var haldið 7. september 1986, svokallað Pfaff-mót. Árið 2004 var undirritað samkomulag um að völlurinn yrði stækkaður í 18 holur, miklar framkvæmdir fylgdu í kjölfarið og fyrsta mótið á stækkuðum velli fór fram í júlí 2011. Um það leyti fjölgaði verulega í klúbbnum. Kjölur lagði mikla áherslu á námskeið og æfingar fyrir börn og unglinga, æft var í vélaskemmu klúbbsins yfir vetrartímann. Yfir sumarmánuðina var boðið upp á ýmis golfmót og félagsmenn voru um 830 þegar mest var. Allmargar nefndir eru að störfum í umboði aðalstjórnar, má þar nefna mótanefnd, vallarnefnd, kvennanefnd og öldunganefnd. Margir úrvalskylfingar hafa komið úr röðum Kjalarmanna en hver er ástæðan? Því er svarað að hluta í bókinni Golf á Íslandi: „Ein ástæða þessarar miklu velgengni er að klúbburinn er nálægt byggðinni í Mosfellsbæ og stutt fyrir börn og unglinga að skjótast niður á völl til þess að spila. Það hefur því verið hluti af uppeldi þeirra að leika á vellinum.“507 Golfklúbbur Bakkakots (GOB) var stofnaður undir beru lofti í Mosfellsdal hinn 15. júní 1991. Stofnfélagar voru 25 og var Guðmundur T. Magnússon kjörinn fyrsti formaður klúbbsins. Það sama ár gekk klúbburinn í UMSK og varð um leið fullgildur aðili að Golfsambandi Íslands (GSÍ). Bakkakotsvöllur er í landi bújarðarinnar Minna-Mosfells en nafnið Bakkakot vísar til kotbýlis í dalnum sem nefnt er í jarðabók frá byrjun 18. aldar. Landið var í eigu Steinars Guðmundssonar og hann átti frumkvæðið að því að breyta grónum túnum í golfvöll sem var fyrst með Bakkakotsvöllur í Mosfellsdal. Fremst á myndinni fellur Kaldakvísl þétt við völlinn, horft er í áttina að Móskarðshnúkum, Svínaskarði og Skálafelli.
RkJQdWJsaXNoZXIy MjQwMzI0OQ==