415 tjaldi sem var matartjaldið hjá UÍA. Þar voru frystikistur og ég sagði þeim að okkar matur væri þar líka. Maður verður að kunna að bjarga sér!“482 Tónaflóð og syndaflóð Dansleikir voru ómissandi hluti af landsmótum, lögð var áhersla á að gera þá sem best úr garði og fór fram skoðanakönnun hjá framhaldsskólanemum á Húsavík um hvaða hljómsveitir þeir vildu helst sjá og heyra. Á fimmtudagskvöldið voru tónleikar með Bubba Morthens og hljómsveit hans MX-21, þar var ekkert aldurstakmark og mætti fólk á öllum aldri. Síðan voru dansleikir í félagsheimilinu og íþróttahöllinni alla helgina. Þar léku Hljómsveit Geirmundar Valtýssonar, húsvíska hljómsveitin Greifarnir og Skriðjöklar frá Akureyri. Böllin voru mjög fjölsótt, þangað mættu samtals um 7500 manns og ágóðinn af þeim bjargaði fjárhag mótsins fyrir horn. Bindindi hafði verið aðalsmerki ungmennafélaga fram eftir 20. öld en nú voru runnir upp breyttir tímar að einhverju leyti. Í sögu landsmóta UMFÍ segir: „Á dansleikjunum var ölvun nokkuð áberandi, svo sumum eldri frömuðum þótti nóg um …“483 Íþróttaaðstaðan á Húsavík var góð, meðal annars var þar nýtt íþróttahús. En líkt og stundum áður á landsmótum skorti nothæfa keppnislaug og var gripið til þess ráðs að reisa bráðabirgðasundlaug þar sem plastdúkur var strengdur innan á trégrind. Helgina fyrir landsmótið rifnaði dúkurinn aftur á móti undan vatnsþrýstingi og 350 tonn af vatni flæddu um bæinn. Strax var gert við laugina og hún fyllt aftur, einhver hafði á orði að hér hefði skollið á ótímabært syndaflóð. Fall er fararheill og í heildina tókst landsmótið afar vel, veður var einstaklega gott, um 20 gráðu hlýindi vermdu mótsgesti sem voru 14–16 þúsund og keppendur höfðu aldrei verið fleiri á landsmóti eða 1130.484 Hljómsveitin Greifarnir frá Húsavík lék á heimavelli á landsmótinu. UMSK-fólk fylkti liði við upphaf mótsins.
RkJQdWJsaXNoZXIy MjQwMzI0OQ==