41 fjölda keppenda. Hlaupið var að Varmá og í Kópavogi. 2019 8. janúar var Knattspyrnufélagið Skandinavia í Kópavogi stofnað og gekk ári síðar í UMSK. 22. unglingalandsmót UMFÍ haldið á Höfn í Hornafirði um verslunarmannahelgina. 9. nóvember var knatthúsið Fellið á Varmársvæðinu í Mosfellsbæ vígt. UMSK heldur skólamót í blaki fyrir nemendur í 4.–6. bekk. Keppt var í íþróttahúsinu Kórnum í Kópavogi á 62 blakvöllum, keppendur voru um 700 talsins. Þetta var í 2. skiptið sem UMSK hélt slíkt mót. Nýtt fimleikahús tekið í notkun á Seltjarnarnesi sem gjörbreytti aðstöðunni hjá fimleikadeild Gróttu. HK, Gerpla og Breiðablik halda 1500 manna þorrablót í Kórnum. Gervigras sett á Kópavogsvöll, einnig voru sett upp flóðljós og vallarklukka. 2020 Flestum íþróttaviðburðum á vegum UMSK frestað vegna heimsfaraldurs, þó var dansmót sambandsins haldið um haustið og sérstaklega hugað að sóttvörnum. 10. janúar var Knattspyrnufélagið Smári í Kópavogi stofnað og gekk sama ár í UMSK. Sæþór Atli Harðarson var fyrsti formaður félagsins. Hinn 20. febrúar var Taekwondofélag Kópavogs stofnað og gekk sama ár í UMSK. Ungmennafélagið Stjarnan í Garðabæ fagnar 60 ára afmæli sínu, í miðjum heimsfaraldri. Saga félagsins, Skíni Stjarnan, eftir Steinar J. Lúðvíksson kemur út. Íslandsmótið í golfi haldið á Hlíðavelli í Mosfellsbæ. Knattspyrnufélagið Miðbær stofnað í Kópavogi. 2021 UMSK var stærsta héraðssamband landsins með um 116 þúsund félagsmenn sem var nær þriðjungur þjóðarinnar. Ársþing UMSK haldið í fjarfundi vegna heimsfaraldurs. Valdimar Leó Friðriksson lét af formennsku eftir 20 ára starf, Guðmundur G. Sigurbergsson (sjá mynd) úr Breiðabliki var kjörinn formaður. Íslenska kvennalandsliðið í hópfimleikum varð Evrópumeistari, landsliðið var skipað stúlkum úr Gerplu og Stjörnunni. Kolbrún Þöll Þorradóttir, fimleikakona úr Stjörnunni, hafnar í öðru sæti í kjöri um íþróttamann ársins. Hnefaleikafélagið Haförn í Kópavogi stofnað og gekk ári síðar í UMSK. Karatefélag Garðabæjar stofnað og gekk ári síðar í UMSK. 110 styrkjum úthlutað úr Afrekssjóði UMSK, að upphæð 25.000 hver styrkur. UMSK heldur skólamót í blaki fyrir nemendur í 4.–6. bekk 2019.
RkJQdWJsaXNoZXIy MjQwMzI0OQ==