404 1952 og voru enskir knattspyrnuleikir á fyrsta getraunaseðlinum. Ágóðinn skiptist þannig að ÍSÍ fékk 70%, UMFÍ 20%, Íþróttasjóður 10% og félögin 9% í sölulaun.448 Þessi nýja fjáröflunarleið fór vel af stað en fljótlega dofnaði yfir starfinu, undirtektir íþróttafélaga, sem áttu að annast sölu getraunaseðlanna, voru ekki eins líflegar og vonir stóðu til og árið 1956 voru Íslenskar getraunir lagðar niður. Eftir 13 ára dásvefn vöknuðu þær rækilega aftur til lífsins árið 1969 og ný lög um íslenskar getraunir tóku gildi 9. júní 1972; síðan hafa verið gerðar nokkrar breytingar á þeim. 1., 2. og 10. lagagreinin hljóða þannig: „1. grein Ríkisstjórninni veitist heimild til þess að stofna félag, Íslenskar Getraunir, sem afli fjár til stuðnings íþróttaiðkunum á vegum áhugamanna um íþróttir í landinu í félögum innan Ungmennafélags Íslands eða Íþróttasambands Íslands. 2. grein Félagið starfrækir íþróttagetraunir, en með íþróttagetraunum er átt við að á þar til gerða miða, getraunaseðla, sem félagið eitt hefur rétt til að gefa út, eru merkt væntanleg úrslit íþróttakappleikja, íþróttamóta. 10. grein Öllum öðrum en Íslenskum Getraunum skal óheimilt að starfrækja getraunir, sem um ræðir í 2. gr. þessara laga. Enn fremur er óheimilt án sérstakrar lagaheimildar, að starfrækja veðmálastarfsemi í sambandi við íþróttakeppni. Brot á þessum ákvæðum varða sektum …, sem greiðist í íþróttasjóð.“449 Salan á getraunaseðlum þróaðist þannig innan UMSK að aðildarfélögin gátu fengið svonefnt getraunanúmer og rann þá hluti af tekjunum beint til þess félags. Árið 1993 voru númerin sem hér segir: Íþróttafélagið Grótta 170. Siglingafélagið Sigurfari 172. Knattspyrnufélagið Hvatberar 173. Ungmennafélagið Breiðablik 200. Íþróttafélagið Gerpla 202. Handknattleiksfélag Kópavogs 203. Siglingafélagið Ýmir 204. Hestamannafélagið Gustur 206. Golfklúbbur Kópavogs 208. Ungmennafélagið Stjarnan 210. Golfklúbbur Garðabæjar 212. Keilufélag Garðabæjar 213. Hestamannafélagið Andvari 215. Ungmennafélag Bessastaðahrepps 226. Ungmennafélagið Afturelding 270. Ungmennafélag Kjalnesinga 271. Golfklúbburinn Kjölur 272. Golfklúbbur Bakkakots 273. Ungmennafélagið Drengur 274.450 Tekjur af getraunaseðlasölunni skipti verulegu máli fyrir héraðssambönd líkt og UMSK, árið 1986 ritaði Katrín Gunnarsdóttir, formaður sambandsins, í UMSK-blaðið: „Sala aðildarfélaganna á getraunaseðlum jókst til muna síðasta vetur. UMSK er orðið annað söluhæsta héraðssambandið, einungis ÍBR [Íþróttabandalag Reykjavíkur] er söluhærra. … Einnig er fyrirhugað að gefa tippurum tækifæri til að nota greiðslukort til að greiða seðlana. Verður þá jafnvel hægt að hringja í Getraunir og láta tippa fyrir sig á seðla og gefa upp númer á greiðslukortinu. Jafnframt getur tipparinn ákveðið hvert sölulaunin skuli renna. Ég hvet öll aðildarfélög UMSK að nýta sér þessa fjáröflun í vetur, því um er að ræða verulegar tekjur sem koma öllum félögum til góða. Sölu getraunaseðla fylgir vinna, en sú vinna margborgar sig.“451 Það tíðkaðist einnig að getraunaklúbbar væru að störfum hjá einstökum félögum, þá kom fólk saman og fyllti út seðlana, það efldi sannarlega Bingó!
RkJQdWJsaXNoZXIy MjQwMzI0OQ==