396 (11,2 sek.) og brons í 400 m hlaupi (50,9 sek.). Sveit UMSK náði 3. sæti í 1000 m boðhlaupi og sveit UMSK sigraði glæsilega í 4 x 100 metra boðhlaupi, sveitina skipuðu Jón Þ. Sverrisson, Einar Gunnarsson, Erlingur Jóhannsson og Guðni Sigurjónsson. Þá varð Sigurjón Valmundsson UMSK annar í langstökki (6,97 m) en besta afrek mótsins í karlaflokki vann Unnar Vilhjálmsson úr UÍA sem setti glæsilegt Íslandsmet í hástökki, stökk 2,12 metra. UMSK lenti í 3. sæti í stigakeppninni í frjálsum íþróttum þar sem HSK sigraði með miklum yfirburðum en Austfirðingar lentu í 2. sæti. Handknattleikur. Að venju var keppt í handknattleik kvenna á landsmótinu. Keppt var utan dyra, UMSKstúlkur (í grænum treyjum á myndinni) lentu í 4. sæti. Hestadómar. 16 keppendur tóku þátt í hestadómum, þar af þrjár konur. Einn keppandi var frá UMSK, Jón Magnús Jónsson frá Reykjum í Mosfellssveit sem hreppti silfurverðlaunin. Íþróttir fatlaðra voru kynningargrein, keppt var í stökkum, hlaupum, boltakasti og boccia. Til leiks mættu félagar úr íþróttafélaginu Ösp í Reykjavík og Gáska á Skálatúni í Mosfellssveit, það félag var stofnað árið 1982 og gekk í UMSK sama ár. Júdó. Suðurnesjamenn höfðu yfirburði í júdó en víða um land hafði íþróttagreinin ekki enn náð fótfestu. Einn keppandi var frá UMSK, Gísli Tryggvason sem lenti í 5.–6. sæti í yngri aldursflokknum. Einnig var keppt í Sigursveit UMSK í 4x100 metra boðhlaupi sem setti nýtt landsmótsmet. Talið frá vinstri: Jón Þ. Sverrisson, Einar Gunnarsson, Guðni Sigurjónsson og Erlingur Jóhannsson.
RkJQdWJsaXNoZXIy MjQwMzI0OQ==