395 Lárus Pétursson frá Káranesi í Kjós, var hann eini keppandinn úr Ungmennafélaginu Dreng. Frjálsar íþróttir. UMSK mætti til leiks með vaska sveit frjálsíþróttafólks sem Ólafur Unnsteinsson hafði þjálfað. Ólafur var þrautreyndur þjálfari og hafði þjálfað lið UMSK 15 árum fyrr, hann var spurður að því fyrir mótið hvernig honum litist á blikuna: „Liðsauki hinna ungu segir nú til sín eins og árið 1969. Nýtt lið er nú í uppbyggingu, sem á mörg ár eftir í frjálsum íþróttum. Nokkrir reyndir íþróttamenn styrkja liðið. Lið UMSK á eftir að láta mikið að sér kveða á landsmótinu og á mótum sumarsins.“426 Hér verður greint frá helstu frjálsíþróttaafrekum UMSK-fólks á mótinu: Svanhildur Kristjónsdóttir kom, sá og sigraði, hún vann 100 metra hlaupið á 12,4 sek., 400 metra hlaupið á 57,6 sek. og langstökkið með 5,69 m stökki, auk þess var Svanhildur í boðhlaupssveit UMSK sem vann gullverðlaun í 4 x 100 m hlaupi. Svanhildur var því með troðfullt hús stiga, auk þess sem hún vann besta afrek mótsins í kvennaflokki, í 400 m hlaupi, sem hún hljóp í fyrsta skipti í keppni. Hún sagði í viðtali: „Landsmótin eru einstakur viðburður sem enginn vill missa af. Það hefur komið fyrir að mann hafi langað til að skipta um félag en þá er ekki hægt að komast á landsmót til að keppa og það hefur m.a. haldið í mig að vera áfram í gamla félaginu.“427 Svanhildur var stigahæst kvenna á mótinu en tveir hlaupagarpar voru jafnir henni að stigum, þeir Aðalsteinn Bernharðsson (UMSE) og Brynjúlfur Hilmarsson (UÍA). Árið 1985 var Svanhildur kjörin íþróttamaður ársins í Kópavogi og ári síðar hlaut hún afreksbikar UMSK öðru sinni. Í langstökki kvenna urðu Hafdís Ingimarsdóttir og Inga Úlfsdóttir hnífjafnar, stukku báðar 5,28 metra og deildu þriðja sætinu. Inga hafði komið fram á sjónarsviðið eftir að Íþróttahúsið á Varmá kom til sögunnar árið 1977, keppti fyrst fyrir Aftureldingu en gekk síðar í raðir Breiðabliksmanna. Hafdís hafði lengi verið sigursæl, sigraði meðal annars í langstökki á landsmótinu á Sauðárkróki 1971 og Akranesi 1975. Hún var hætt keppni en dró nú fram gaddaskóna: „Þetta kom mér sannarlega á óvart,“ segir Hafdís, „ég átti alls ekki von á að verða svona ofarlega. Það var búið að nauða í mér að fara á mótið og ég tók mig til á æfingu og stökk dálítið langt svo að ég sló til og fór. Ólafur Unnsteinsson þjálfaði okkur, ágætur þjálfari.“428 Í karlaflokki stóðu spretthlaupararnir úr UMSK sig vel. Erlingur Jóhannsson hreppti silfrið í 100 m hlaupi Svanhildur Kristjónsdóttir úr UMSK sigraði glæsilega í þremur greinum og var með fullt hús stiga. Inga Úlfsdóttir úr UMSK deildi bronsverðlaununum í langstökki með Hafdísi Ingimarsdóttur úr UMSK, þær stukku báðar 5,28 metra.
RkJQdWJsaXNoZXIy MjQwMzI0OQ==