389 Lengjubikarnum, 4. deild og Borgunarbikarnum, einnig keppa þeir í innanhússfótbolta (futsal-bolta). Virkir iðkendur í félaginu eru um 120, heimavöllur félagsins er í Íþróttamiðstöðinni Kórnum í Kópavogi en það æfir einnig í Digranesi. Stálúlfur hefur á að skipa öflugu klappstýruliði sem fékk hvatningarverðlaun UMSK fyrir árið 2020. Knattspyrnufélagið Skínandi – 2012 Knattspyrnufélagið Skínandi í Garðabæ var stofnað 7. janúar 2012 og gekk í UMSK ári síðar. Það var stundum kallað dótturfélag Stjörnunnar en aðalmarkmið Skínanda var að gefa ungu og efnilegu fólki fleiri tækifæri til að ná árangri sem knattspyrnumenn. Mikil samvinna var á milli Skínanda og Stjörnunnar við að manna 2. flokk karla og sameiginlegt lið þessara félaga varð Íslands- og bikarmeistari í þeim flokki árið 2014.416 Skínandi tók þátt í Lengjubikarnum, 3. og 4. deild Íslandsmótsins og Bikarkeppni KSÍ og var með aðsetur í íþróttamiðstöðinni Ásgarði í Garðabæ. Smám saman dró úr starfsemi félagsins sem gekk úr UMSK árið 2020. Knattspyrnufélagið Vatnaliljur – 2012 Knattspyrnufélagið Vatnaliljur í Kópavogi var stofnaði 22. september 2012 og gekk ári síðar í UMSK. Árið 2005 hóf félagið þátttöku í Utandeildinni en árið 2013 var markið sett hærra og keppt í Íslandsmóti KSÍ. Rekstur félagsins hefur ævinlega gengið vel, félagarnir hafa fundið vænlegar fjáröflunarleiðir, auk þess sem sérhver félagsmaður greiðir æfingagjald mánaðarlega. Knattspyrnufélagið Miðbær (KM) – 2013 Félagið var stofnað árið 2013 og hét þá FC Iberia, stofnfélagar voru nokkrir Spánverjar sem voru búsettir á Íslandi og höfðu áhuga á að leika saman knattspyrnu einu sinni í viku. Árið 2014 var ákveðið að keppa í gulldeildinni þar sem sjö leikmenn eru í sérhverju liði. Svo fór að liðið tapaði öllum leikjum sínum og endaði í neðsta sæti. Fall er fararheill! Æfingar hjá félaginu héldu þó áfram, nýir leikmenn af ýmsum þjóðernum gengu til liðs við það og liðsandinn var einstaklega góður. Árið 2016 var nafni félagsins breytt í Dynamo Reykjavík og endaði það í 7. sæti (af níu) í gulldeildinni. Árið 2017 lenti liðið í þriðja sæti. Í kjölfarið á þessu vaxandi gengi félagsins var ákveðið að stefna á keppni í 4. deild Íslandsmótsins árið 2019 og Samkennd og vinátta Fyrsti og eini formaður Íþróttafélagsins Stálúlfs er Algirdas Slapikas, hann sagði í viðtali við Kópavogsblaðið árið 2014: „Félagið er opið fyrir alla. Fólk af erlendum uppruna er velkomið og einnig Íslendingar sem vilja stunda íþróttir. Bæði liðin okkar [í knattspyrnu og körfuknattleik] eru byggð upp á fjölmenningarlegan hátt. Leikmenn liðanna eru af ólíkum uppruna. Við höfum leikmenn frá Litháen, Póllandi, Portúgal, Úkraínu, Serbíu, Filipseyjum, Ítaliu, Ekvador og frá Íslandi, enda allir velkomnir að taka þátt. Í fyrra léku sex Íslendingar í knattspyrnunni og tveir í körfuboltaliðinu. … Hvað hefur verið erfiðast – og hvað skemmtilegast í þessu starfi? Það hefur bæði verið erfitt – en gaman – að stýra fjölmenningarlegum hópi. Ólík tungumál, hefðir og trúarbrögð gera vinnuna stundum erfiða en á sama tíma læri ég stöðugt einhvað nýtt. Félagið var stofnað á erfiðum tímum þegar allt var hér á niðurleið. Á hverju ári missum við marga góða leikmenn sem sækja til síns heima vegna atvinnuleysis hér. En í heildina er þetta mjög skemmtilegur og góður félagsskapur. Við erum að byggja upp mjög gott, fjölmenningarlegt, íþróttafélag í Kópavogi.“415 Algirdas Slapikas, formaður Stálúlfs.
RkJQdWJsaXNoZXIy MjQwMzI0OQ==