372 En síðan kom Garðar til sögunnar, breytti það ekki miklu? „Jú, það var mikill hvalreki fyrir níu ára dreng eins og mig að fá Garðar til að þjálfa okkur. Ég man enn eftir fyrstu æfingunni, hann sagði manni til og leiðbeindi okkur, þetta var eitthvað sem ég hafði aldrei upplifað.“ Kepptuð þið á mótum? „Já, ég man eftir UMSK-mótum og Reykjanesmótunum, það var ævintýralegt að taka þátt í þeim.“ En hvar æfðuð þið? „Það var enginn almennilegur völlur til staðar, við æfðum mikið á velli hjá Ísbjarnarhúsinu en það var svo mikill halli á honum að þegar maður stóð í markinu hjá Nesveginum sást bara efri hlutinn á hinu markinu.“ Hélst þú lengi áfram í fótboltanum? „Já, ég stundaði knattspyrnu af kappi næstu árin og fór snemma að æfa með meistaraflokki Gróttu. Þegar Lárus Loftsson kom þar til starfa sem þjálfari æfðum við næstum því allt árið og tókum miklum framförum sem varð til þess að ég komst í unglingalandsliðið og spilaði minn eina leik á móti Færeyjum árið 1974. Ég held að ég hafi verið fyrsti landsliðsmaðurinn úr Gróttu.“ Öflugt yngri flokka starf er í Gróttu, á þorranum árið 2021 tóku um 30 piltar úr 7. flokki þátt í Krónumóti HK sem haldið var í íþróttahúsinu Kórnum. Sex lið úr Gróttu mættu til leiks og stóðu þau sig öll með prýði í miðjum COVID-faraldrinum. Hér má sjá eitt Gróttuliðið, stolta stráka með sínar „medalíur“. Gróttustúlkur úr 7. flokki sem tóku þátt í fjölmennu fótboltamóti í janúar 2020.
RkJQdWJsaXNoZXIy MjQwMzI0OQ==