349 Borðtennis. Ragnhildur Sigurðardóttir UMSB vann gullið en Guðrún Einarsdóttir UMSK hafnaði í 2. sæti. Hún var eini keppandinn frá UMSK í kvennaflokki. Í karlaflokki sigraði Gylfi Pálsson úr Ungmennafélagi Keflavíkur (UMFK), þar voru tveir keppendur frá UMSK. Frjálsar íþróttir. UMSK mætti með sterkt frjálsíþróttalið að venju. Kristín Jónsdóttir, fyrrum afrekskona úr Breiðabliki, var liðstjóri kvennaliðsins sem lét mikið að sér kveða. Ásta B. Gunnlaugsdóttir gaf tóninn í undanrásunum í 100 metra hlaupi þegar hún hljóp á 12,5 sek. og setti landsmótsmet. Þrátt fyrir þennan góða árangur Ástu var það annar hlaupari úr UMSK sem kom, sá og sigraði á landsmótinu. Það var Svanhildur Kristjónsdóttir sem þá var einungis 13 ára, í úrslitahlaupinu sigraði hún á nýju landsmótsmeti, 12,2 sek., Helga Árnadóttir UMSK varð þriðja á 12,3 sek. en Ásta lenti í 4. sæti. Löngu síðar sagði Svanhildur í viðtali: „Ég átti heima í Bolungarvík í nokkur ár og var nýflutt suður þegar þetta var en keppti með UMSK. Ég fylgdi þeim eftir, Ástu B. og Helgu Árnadóttur, þær pössuðu mig og ég gerði bara eins og þær þegar við vorum að hita upp. Það reiknaði enginn með mér sem ekki var von fyrr en kom að úrslitahlaupinu. Ég var bara lítið peð og skíthrædd við þessar vönu keppniskonur.“314 Í 4 x 100 m hlaupi kvenna sigraði sveit UMSK með nokkrum yfirburðum á 50,4 sek. sem var glæsilegt landsmótsmet. Í sveitinni voru Hrönn Guðmundsdóttir, Svanhildur Kristjónsdóttir, Ásta B. Gunnlaugsdóttir og Helga Árnadóttir. Um þetta leyti var þessi boðhlaupssveit nær ósigrandi á mótum. Eftir Akureyrarmótið hætti Ásta að mestu leyti keppni í frjálsum íþróttum, sneri sér að knattspyrnuiðkun með Breiðabliki og lék 26 leiki með íslenska landsliðinu. Um þessa ákvörðun sína sagði hún: „Maður verður að vera hálfklikkaður til að verða góður frjálsíþróttamaður. A.m.k. finnst mér meira gaman að vera með öðrum og fór þess vegna í knattspyrnuna.“315 Svanhildur náði 2. sæti í langstökki, stökk 5,17 cm, Helga Árnadóttir stökk tíu sentímetrum styttra sem skilaði henni 3. sætinu. Hrönn Guðmundsdóttir sigraði glæsilega í 400 metra hlaupi á 58,5 sek. og bætti landsmótsmetið verulega. Berglind Erlendsdóttir varð í 3. sæti á 61,3 sek. Hrönn sigraði einnig í 800 metra hlaupi á 2:17,7 mín. og varð stigahæst kvenna í frjálsum íþróttum. Í 1500 m hlaupi vann Guðrún Karlsdóttir silfurverðlaun, hljóp á 4:51,7 mín. Allar þessar stúlkur komu úr Breiðabliki en í hástökki varð Mosfellingurinn Guðrún Sveinsdóttir í 2. sæti eftir hnífjafna keppni við Snæfellinginn Maríu Guðnadóttur. Þær stukku sömu hæð, 1,64 m, en María hafði sigur þar Karl West Frederiksen UMSK keppti í þremur greinum á landsmótinu, hér stekkur hann þrístökk.
RkJQdWJsaXNoZXIy MjQwMzI0OQ==