329 um afnot af hátíðarsvæðinu sem var í eigu Skógræktar ríkisins. Strax var ráðist í viðamikinn undirbúning, hluti landsins var girtur af en Sandá afmarkaði mótssvæðið að hluta. Tveir danspallar voru smíðaðir, hreinlætisaðstöðu komið á koppinn, raflagnir og vatnslagnir lagðar, bílastæði búin til, skemmtikraftar ráðnir í skyndi og auglýsingaherferð hafin. Hátíðin fékk nafnið Gaukurinn ’83, nafnið vísaði til Gauks Trandilssonar sem bjó á Stöng í Þjórsárdal á þjóðveldisöld og er nefndur í fornu danskvæði: Önnur var þá öldin, þegar Gaukur bjó á Stöng. Þá var ei til Steinastaða leiðin löng. Mótshaldarar gerðu með sér samkomulag um verkaskiptingu, HSK skyldi annast miðasölu, hreinsun og gæslu á svæðinu en UMSK tók að sér veitingasöluna. Ungmennafélag Selfoss tók verkefni HSK að sér en veitingamálin féllu í hlut Íþróttafélagsins Gerplu. Síðan gekk helgin mikla í garð og í heildina tókst hátíðin vel, þrátt fyrir vætusamt veður. Fjórar hljómsveitir léku á spónnýjum danspöllum, landsfrægir skemmtikraftar stigu á stokk og kynnir samkomunnar var Haraldur Sigurðsson, betur þekktur sem „Halli og Laddi“. Á þriðja hundrað sjálfboðaliðar unnu við hátíðina sem hátt í 3000 gestir sóttu. Nokkuð bar á ölvun á bökkum Sandár, eitt dagblaðanna birti ófagrar lýsingar og myndir af hátíðinni og spurningar kviknuðu hvort það væri við hæfi að ungmennafélagshreyfingin stæði fyrir slíku samkomuhaldi. Þessu var svarað í ársskýrslu UMSK: „Um samkomur á borð við Gaukinn ’83 má lengi deila. Margir segja að það sé utan verkahrings samtaka sem UMSK og HSK að halda svona hátíðir. Sumir segja hinsvegar að það sé einmitt hlutverk samtakanna að halda svona samkomur. Þá hafi unglingarnir eitthvað fyrir stafni, auk þess að njóta öryggis um flest í fjölmennu starfsliði. Samtökin fái hinsvegar að halda hagnaði af samkomunni og verja honum til ungmennastarfs.“278 Kristján Sveinbjörnsson bætti við í viðtali árið 2018: „Já, það var töluverð ölvun á Gauknum og ungmennafélögin voru gagnrýnd. Um 50 tjöld voru skilin eftir, við pökkuðum þeim saman og fórum með þau upp á skrifstofu UMSK þar sem foreldrar unglinganna sóttu tjöldin.“279 Stórfelldur hagnaður var af hátíðinni sem skiptist á milli UMSK, HSK, Ungmennafélags Selfoss og Gerplu. Nokkuð bar á óánægju hjá Skarphéðinsmönnum með Sandáin liðast um Þjórsárdal, útihátíðartjöld sjást greinilega til vinstri. Á útimóti þar var karamellum kastað úr svifflugvél til að kæta mótsgesti sem ekki tókst betur en svo að sælgætið hvarf í Sandána.
RkJQdWJsaXNoZXIy MjQwMzI0OQ==