322 mín., einnig í 100 m baksundi á 1:17,9 mín. og í 200 m fjórsundi á 2:43,8 mín. Steingrímur Davíðsson varð þriðji í 100 metra bringusundi á 1:17,2 mín. og í 2. sæti í 200 m bringusundi á 2:48,3 mín. Boðsund. Sveitir UMSK í 4 x 50 m fjórsundi og 4 x 100 m skriðsundi kvenna stigu einnig á verðlaunapall. Í karlaflokki varð sveit UMSK í 2. sæti í 4 x 100 m skriðsundi og vann gull í 4 x 100 m fjórsundi. UMSK lenti í þriðja sæti í stigakeppninni á eftir HSK og heimamönnum í Ungmennafélaginu Skipaskaga. Blak karla var sýningargrein á mótinu og var lið UMSK skipað leikmönnum úr HK og Breiðabliki. Lítið var um æfingar hjá liðinu fyrir mótið, Albert H. N. Valdimarsson, formaður blakdeildar HK, var engan veginn ánægður með árangurinn og sagði í viðtali: „Þegar á reyndi í úrslitaleiknum um 1. sætið, klofnaði liðið í frumeindir sínar og gat ekki neitt. HSK hafði ekkert fyrir að vinna 1. sætið, en UMSK féll niður í 3. sæti.“264 Körfuknattleikur karla. Liðið var eingöngu skipað Breiðabliksmönnum en það hafði ekki erindi sem erfiði á mótinu og endaði í neðsta sæti, enda höfðu æfingar gengið brösuglega um hábjargræðistímann. Keppt var innan dyra á Akranesi, áður fyrr höfðu körfuboltaleikir á landsmótum oft farið fram undir beru lofti en tímarnir voru að breytast og íþróttahúsakostur landsmanna tók stakkaskiptum með hverju árinu sem leið. Borðtennis karla og kvenna var sýningargrein á mótinu og var UMSK-liðið úr Gerplu og Aftureldingu. Tveir piltar úr UMSK sigruðu í sínum aldursflokkum, þeir Guttormur Magnússon og Björgvin Jóhannesson. Kjalnesinga kappa lið Mikil og hörð barátta var á milli UMSK og HSK í heildarstigakeppninni og ekki ljóst fyrr en í mótslok hvorum megin sigurinn lægi. Skarphéðinn hafði unnið stigakeppnina á átta landsmótum í röð, frá því í Hveragerði Skónúmer spjótkastarans Alda Helgadóttir var í sviðljósinu á landsmótinu á Akranesi. Hún var í sumarfríi austur á landi þegar haft var samband við hana og hún beðin um að keppa í spjótkasti fyrir UMSK og einnig í handknattleik. Daginn áður en hún átti að keppa komst hún til Egilsstaða en ekki lengra þar eð flugvélin til Reykjavíkur var yfirfull og það sama var uppi á teningnum morguninn eftir. Þetta leit engan veginn vel út, í viðtali við tímaritið Skinfaxa árið 1987 sagði Alda frá þessu ævintýri sem endaði vel: „Ég sá því engan annan möguleika en að hringja aftur suður og segja þeim að það væri bara enginn möguleiki að ég kæmist í tæka tíð. Nú það líður ekki nema rúmlega hálftími þangað til að hringt er aftur og tilkynnt í hátalara í flugstöðinni að Alda Helgadóttir verði að komast með því hún eigi að keppa á Landsmóti. Og það er rýmkað til um eitt sæti og ég kemst suður. … Þegar ég mæti svo á flugvellinum í Reykjavík koma tveir menn á móti mér og spyrja mig að nafni. Ég segi þeim það. Þá segja þeir: „Það bíður hérna flugvél eftir þér, þú átt að fara upp á Akranes.“ Ég dreif mig upp í þessa næstu vél með þann litla farangur sem ég var með. Málið var hins vegar að mig vantaði skó. En það er samt flogið á Akranes. Og ég er rétt nýlent þegar tilkynnt er að nú hefjist spjótkastið. Ég rýk á næsta mann og spyr hvaða númer hann noti af skóm, fæ þá í hvelli og hendist inn á völl. … Við áttum að keppa sex umferðir í spjótinu. Ég henti þrjár umferðir en þá var handboltinn að byrja. Ég sagði bara bless, ég yrði að fara að spila handbolta. Ég var þá komin með lengsta kastið og menn sögðu: „Þú ert rugluð!“ Nei, nei, í handboltann varð ég að fara og dreif í því. Allt endaði þetta síðan á því að ég vann spjótið og við unnum handboltann líka, UMSK!“263 Alda Helgadóttir vann gullverðlaun í spjótkasti og var í sigurliði UMSK í handknattleik.
RkJQdWJsaXNoZXIy MjQwMzI0OQ==