315 lega 500 prjónahúfur, rauðar og svartar líkt og búningalitur UMSK, og skörtuðu margir þeim á mótinu. Þjóðhátíð æskunnar Landsmótið var sett föstudaginn 10. júlí og að venju setti hópganga keppenda sterkan svip á athöfnina. Rúmlega þúsund keppendur voru skráðir til leiks og hafði þeim fjölgað um 300 frá síðasta landsmóti. Forsetahjónin, Kristján og Halldóra Eldjárn, voru viðstödd setninguna og einnig Vilhjálmur Hjálmarsson menntamálaráðherra sem flutti stutt ávarp en Hafsteinn Þorvaldsson, formaður UMFÍ, setti mótið. Í ræðu sinni kallaði hann landsmótið „þjóðhátíð æskunnar“. Heiðursgestur landsmótsins var Sigríður Thorlacius, formaður Kvenfélagasambands Íslands, sem ávarpaði gesti á sérstakri hátíðardagskrá. Tilefni þess að Sigríði var sérstaklega boðið var að allsherjarþing Sameinuðu þjóðanna hafði ákveðið að árið 1975 yrði tileinkað málefnum kvenna; hinn sögufrægi kvennafrídagur þá um haustið var á degi Sameinuðu þjóðanna. Boð Sigríðar á landsmótið undirstrikaði einnig langa og gifturíka samvinnu ungmennafélaga og kvenfélaga um allt land. Áætlun Akraborgarinnar á mótsdögunum var prentuð í leikskrá landsmótsins. Sérstakt landsmótsgjald var í gildi: Siglingin kostaði 800 krónur fram og til baka. Sigríður Thorlacius, formaður Kvenfélagasambands Íslands, var heiðursgestur landsmótsins. Allsherjarþing Sameinuðu þjóðanna ákvað að árið 1975 yrði sérstaklega tileinkað málefnum kvenna og þá um haustið rann upp hinn sögufrægi kvennafrídagur.
RkJQdWJsaXNoZXIy MjQwMzI0OQ==