257 hápólitískt milliríkjamál Dana og Íslendinga sem fékk farsælan endi. Stundum var eldfimt að fara með pólitísk mál inn á vettvang ungmennafélaganna, til dæmis veru Bandaríkjahers á Íslandi á friðartímum, en allir Íslendingar gátu sammælst um að fá „handritin heim“. Þjóðlegar taugar voru styrktar á Eiðum, þjóðdansaflokkur frá Eskifirði og glímumenn frá Reyðarfirði sýndu leikni sína, einnig var fluttur leikþáttur eftir Kristján Ingólfsson sem fjallaði um Una danska, hann kom til Íslands á landnámsöld sem erindreki Haraldar hárfagra, fékk heldur óblíðar móttökur hjá Austfirðingum og hraktist á brott. Góður árangur hjá UMSK Veðrið á keppnisdögunum var skaplegt en það kólnaði hressilega um nætur svo hrím sást í grasi. Flestir gistu í tjöldum, keppendur voru vel á 5. hundraðið, flestir í frjálsum íþróttum, um 170 manns. Mikil eftirvænting lá í loftinu, besta frjálsíþróttafólk UMSK var mætt til leiks, nema Þorsteinn Alfreðsson kringlukastari sem Stangarstökk á Eiðum, ekki var nú dýnukosturinn glæsilegur á þessum árum. Arndís Björnsdóttir UMSK sigraði í spjótkasti, Alda Helgadóttir UMSK hafnaði í 2. sæti. Trausti Sveinbjörnsson UMSK kemur í mark í 400 m hlaupi á nýju landsmótsmeti, 52,5 sek.
RkJQdWJsaXNoZXIy MjQwMzI0OQ==