226 og einnig byggt með þarfir hópfimleika í huga, enda flutti hópfimleikadeild Gerplu starfsemi sína þangað Í ársskýrslu UMSK segir: „Það var mikil gleðistund þegar Kópavogsbær vígði nýtt og glæsilegt íþróttahús við Vatnsendaskóla í maí 2018 en það hús var byggt með þarfir hópfimleika í huga og fluttist hópfimleikadeildin nánast alfarið yfir í Vatnsenda síðasta haust. Við það stækkaði hópfimleikadeildin um rúm 10% og líður þeim vel á nýjum stað og æfa við bestu aðstæður. Það fylgir því áskorun að vera með starfsemina á tveimur stöðum eftir að hafa verið undir sama þaki frá upphafi. Því fylgir söknuður en tækifærin eru óþrjótandi sem er mikilvægt að nýta sem best. Starfsmenn og þjálfarar eru spennt að sjá hvernig fyrsti veturinn í tveimur húsum á eftir að koma út.81 Seltjarnarnes og Grótta Hreppur verður boltabær Seltjarnarneshreppur á sér aldalanga sögu og náði fyrrum yfir miklu stærra landsvæði en Seltjarnarnesbær á okkar dögum. Árið 1960 bjuggu um 1300 manns í Seltjarnarneshreppi, tíu árum síðar var íbúafjöldinn kominn yfir tvö þúsund.82 Hreppurinn fékk kaupstaðarréttindi 29. mars 1974 og heitir síðan Seltjarnarnesbær, í ársbyrjun 2022 bjuggu þar 4.720 manns.83 Þrátt fyrir vaxandi íbúafjölda á 7. áratugnum var hvorki skipulagt íþróttastarf né íþróttafélag á Seltjarnarnesinu. En boltinn fór að rúlla í orðsins fyllstu merkingu um miðjan 7. áratuginn þegar einn íbúinn, Garðar Guðmundsson, hóf að æfa unga pilta í knattspyrnu. Frá því segir síðar í bókinni þar sem fjallað er um knattspyrnuiðkun á Nesinu. Frá vígslu íþróttahúss við Vatnsendaskóla vorið 2018. Talið frá vinstri: Sigurbjörg Helgadóttir, nemandi í Vatnsendaskóla, Guðrún Soffía Jónasdóttir, skólastjóri í Vatnsendaskóla, Ármann Kr. Ólafsson, bæjarstjóri Kópavogs, Theodóra S. Þorsteinsdóttir, formaður bæjarráðs Kópavogs, Harpa Þorláksdóttir, formaður Gerplu, og Emma Leifsdóttir úr Gerplu. Fagrilundur.
RkJQdWJsaXNoZXIy MjQwMzI0OQ==