218 hús og kirkja.57 Íþróttahúsið við skólann, sem var tekið í notkun árið 1960, var smátt í sniðum miðað við það sem síðar tíðkaðist um íþróttahús. En húsið gegndi afar mikilvægu hlutverki í Kópavogsbæ á þeim árum þegar ekki var í önnur íþróttahús að venda. Auk skólaíþróttakennslunnar var salurinn notaður fyrir frjálsar íþróttir, körfuknattleik og blak, eftir að það kom til sögunnar, og þarna æfðu Gerplustúlkur fimleika í fyrstu. „Þá urðu þær [stúlkurnar] að byrja tilhlaupið inni í búningsklefanum og hlaupa í gegn um dyrnar og síðan eftir salnum. Í dyragættinni kom hik á þær því þær óttuðust að einhver myndi óvart hlaupa í veg fyrir þær!“58 Fimleikatímarnir voru fáir og stuttir og var gripið til þess ráðs að hefja upphitun á vellinum utandyra til að nýta tímann í salnum betur. Sundlaug Kópavogs – 1967, 1991, 2008 Kópavogsbúar máttu lengi búa við sundlaugarskort en um 1960 komst loks hreyfing á þau mál. Þá var Hulda Jakobsdóttir (1911–1998) bæjarstjóri í Kópavogi en hún var fyrsta konan á Íslandi sem gegndi embætti bæjarstjóra. Hulda leitaði til Högnu Sigurðardóttur (1929– 2017) arkitekts og óskaði eftir því að hún teiknaði og hannaði sundlaug og almenningsgarð í Kópavogi. Högna lærði og starfaði í Frakklandi alla tíð og varð víðfræg fyrir sína húsagerðarlist en þetta var í eina skiptið sem hún var beðin um að teikna mannvirki fyrir opinbera aðila á Íslandi og hún var fyrsta íslenska konan úr stétt arkitekta sem teiknaði hús á Íslandi, svo vitað sé.59 Sundlaugin og garðurinn skyldu rísa á Rútstúni sunnan við Borgarholtsbraut en það var nefnt eftir Finnboga Rúti Valdimarssyni, fyrsta bæjarstjóra Kópavogs, en hann var eiginmaður Huldu. Þau hjónin fengu þessu landsvæði úthlutað árið 1942 en 1958 ánöfnuðu Finnbogi, Hulda og börn þeirra Kópavogskaupstað þetta svæði ásamt mannvirkjum sem þau höfðu reist þar. Gjöfinni fylgdi það skilyrði að landið yrði gert að skemmtigarði.60 Högna kynnti tillögur sínar að sundlauginni árið 1962 Högna Sigurðardóttir arkitekt með líkan og teikningar sínar af sundhöll Kópavogs vorið 1962. Teikningarnar voru samþykktar af bæjaryfirvöldum en ekki notaðar nema að hluta. Auglýsing úr Íþróttablaðinu 1997.
RkJQdWJsaXNoZXIy MjQwMzI0OQ==