216 leiksvæði og íþróttavöllur barna úr austurhluta Kópavogs. Ingibjörg Hinriksdóttir, sem ólst upp í þessum hluta bæjarins, rifjaði upp gamla tíma árið 2013: „Það var hreint ævintýri að alast upp í Kópavogi á sjöunda áratug síðustu aldar. Bærinn var sannkallaður barnabær og maður fann leikfélaga í hverju húsi. Húsgrunnar og byggingar voru út um allt við Álfhólsveg, Melaheiði, Lyngheiði, Skálaheiði og þar um kring … Á Víghólum var leikvöllurinn okkar Heiðarvöllur og þar var mói og á haustin tíndi maður ber uppí sig.“51 Heiðarvöllur var mikið notaður til leikja og knattspyrnuiðkunar og var stækkaður árið 1969. Félagar úr Íþróttafélagi Kópavogs (ÍK) og HK stunduðu þar æfingar af kappi en þegar nær dró aldamótum færði HK æfingar sínar niður í Fossvoginn. Árið 1999 söfnuðu íbúar í grennd við Heiðarvöll undirskriftum og knúðu fram lagfæringar á vellinum í samræmi við skipulag frá árinu 1992, voru veittar 3,5 milljónir í þær framkvæmdir. Vallargerðisvöllur – 6. áratugur Kársnesskóli í vesturhluta Kópavogs tók til starfa árið 1957. Þar í grennd er Vallargerðisvöllur, hann á sér langa og merka sögu sem teygir sig aftur á 6. áratuginn. Breiðabliksmenn unnu í sjálfboðavinnu að vallargerðinni og vorið 1954 samþykkti hreppsnefnd Kópavogshrepps að leggja til efni í búningsklefa með sturtu og vatnssalerni við völlinn með því skilyrði að áhugamenn um þær framkvæmdir myndu annast þær, hreppnum að kostnaðarlausu.52 Vallargerðisvöllur var lengi miðstöð knattspyrnunnar í Kópavogi, reynt var að bæta hann með slitlagi árið 1969, hann var breikkaður og gerður að löglegum keppnisvelli með flóðlýsingu sem var fjármögnuð af Lionsklúbbi Kópavogs. En áhorfendasvæðið var takmarkað og þess vegna varð Breiðablik að spila sína leiki á Melavellinum í Reykjavík, einnig sumarið 1971 þegar karlalið félagsins lék í 1. deild Íslandsmótsins. Vallargerðisvöllur var miðstöð knattspyrnunnar í Kópavogi í rúma fjóra áratugi en núna er hann skilgreindur þannig samkvæmt Aðalskipulagi Kópavogs: „Vallargerðisvöllur við Kársnesskóla er eini malaræfingavöllur fyrir knattspyrnu í Kópavogi. Hann hentar til skautasvells í frostatíð á vetrum. Stærð 0,5 ha.“53 Árið 2014 var frumsýnd klukkustundarlöng heimildarmynd um sögu vallarins eftir Heiðar Bergmann Heiðarsson, hann sagði í viðtali af því tilefni: „Allir viðmælendur mínir sögðu alltaf það sama, að þetta hefði verið eins og þeirra annað heimili. Allir minntust síðan á Valda gamla [Valdimar Valdimarsson] og hans störf þarna. Hann gerði við bolta og lánaði öllum bolta sem komu. Hann hélt við öllum netum á öllum sparkvöllum Kópavogs. Ungir knattspyrnumenn á Heiðarvelli.
RkJQdWJsaXNoZXIy MjQwMzI0OQ==