202 Hér í hreppi, er félag fátækt flestir líta á það sem smátækt. Veldi þess þó víst skal rísa, veginn ungu fólki lýsa svo rati það á rétta slóð. Það á marga dáða drengi, dugur þeirra varir lengi, mörg er líka snotur snótin snarphuga, og það er bótin. Ólgar mjög það unga blóð. Lítum hátt, með stjörnu í stafni stýrum hátt, svo vel allt dafni. Vinnan er það vopn sem dugar, verði enginn annars hugar fáum við þann bezta byr. Eigum við á stokki standa strengja heit í réttum anda, félag okkar fáir þekkja fyrst af öllu því skal hnekkja. Allt skal betra en áður fyrr.22 Hvernig er aðstaðan? Valla- og íþróttahallabylting Í síðasta kafla var rætt um stofnun Stjörnunnar í Garðahreppi og meðal annars það aðstöðuleysi sem blasti þar við á upphafsárum félagsins. Staðreyndin var reyndar sú að víða um land var íþróttaaðstaðan litlu betri en hjá Stjörnunni og fram á 7. áratug síðustu aldar var skortur á góðri æfinga- og keppnisaðstöðu dragbítur á allt íþróttastarf á Íslandi, bæði innan- og utanhúss. Dagar nútímalegra íþróttahúsa voru ekki runnir upp, íþróttafélög nýttu leikfimisali í skólum og jafnvel félagsheimili til æfinga og keppni. Aðstaðan utanhúss var víða bágborin, gerviefni á íþróttavöllum og hlaupabrautum fjarri góðu gamni og vellir stundum ófærir vegna bleytu eða snjóa. En síðan tók að rofa til í þessum efnum, um allt land voru byggð íþróttamannvirki, bæði íþróttahús, íþróttavellir og sundlaugar, þau nýttust sem skólamannvirki og einnig sem æfinga- og keppnissvæði fyrir íþróttafélög. Bygging Laugardalshallar í Reykjavík gaf tóninn, hönnuð af Gísla Halldórssyni, sem var lengi forseti ÍSÍ, og Skarphéðni Jóhannssyni. Laugardalshöll var reist af Reykjavíkurborg og Íþróttabandalagi Reykjavíkur, vígð Laugardalshöllin í Reykjavík var vígð árið 1965 og markaði mikil tímamót í íþróttalífi á Íslandi, til hægri er Íþróttamiðstöðin í Laugardal. Fremst á myndinni eru arkitektar húsanna, Gísli Halldórsson og Skarphéðinn Jóhannsson. Báðar byggingarnar hafa verið stækkaðar mikið, UMSK flutti skrifstofu sína í Íþróttamiðstöðina árið 1993. Ingvi Guðmundsson var formaður Stjörnunnar um skeið og orti kvæðið „Herhvöt“ um félagið.
RkJQdWJsaXNoZXIy MjQwMzI0OQ==