196 félög að forminu til en uppfylltu þó lög UMSK sem kváðu á um að aðildarfélögum væri skylt að „… hafa lög sín í samræmi við lög Ungmennafélags Íslands og Íþróttasambands Íslands og starfa í anda þeirra“.3 Starf sambandsins efldist með fjölgun aðildarfélaganna. Árið 1983 voru þau 16 talsins, það elsta var Afturelding í Mosfellsbæ, stofnað árið 1909, og það yngsta var Íþróttafélagið Hlynur í Kópavogi, stofnað árið 1983. Stóraukinn íbúafjöldi á sambandssvæðinu kallaði á deildaskiptingu eftir íþróttagreinum í einstökum félögum. Algengustu deildirnar voru knattspyrnudeild, handknattleiksdeild og frjálsíþróttadeild. Þessi fjölbreytni í starfi endurspeglaðist í auknu mótshaldi á vegum UMSK. Sem dæmi má nefna að árið 1983 voru haldin 13 mót á vegum UMSK, þar á meðal í knattspyrnu, badminton, frjálsum íþróttum, karate, blaki og handknattleik.4 Síðustu áratugina hafa fjölmargar nýjar greinar komið til skjalanna innan vébanda UMSK, til dæmis tennis, júdó og siglingar svo aðeins fáeinar séu nefndar. Íþróttahugtakið hefur einnig fengið víðari skírskotun, til dæmis má nefna að félög sem sinna hestaíþróttum og dansi hafa aðild að UMSK. Á aldarafmæli sínu skartaði UMSK litrófi íslenskrar íþróttaflóru með um 50 aðildarfélög innanborðs. Þar af starfar um helmingur þeirra í Kópavogi sem er langstærsta sveitarfélagið á sambandssvæðinu. Á tímabilinu frá 1963 og fram á 9. áratuginn efldust margar greinar innan UMSK og undir lok þess voru Um 1970 voru knattspyrna og handknattleikur langvinsælustu greinarnar sem voru iðkaðar innan UMSK. Hér má sjá knattspyrnulið Breiðabliks á Siglufirði árið 1967, þegar það lék í vínrauðum treyjum. Logi Kristjánsson er fyrir miðri mynd í fremri röð; á árabilinu 1966–1969 varði Logi Blikamarkið í 40 keppnisleikjum og gegndi formennsku í Breiðabliki á árunum 1989–1996. Árið 1971 voru einungis 30 manns sem iðkuðu fimleika innan UMSK. Sama ár var Íþróttafélagið Gerpla stofnað sem varð fljótlega mjög öflugt á fimleikasviðinu, árið 2021 voru félagsmenn í Gerplu um 18 þúsund. Fleiri félög innan UMSK hafa lagt stund á fimleika, til dæmis Stjarnan og Afturelding.
RkJQdWJsaXNoZXIy MjQwMzI0OQ==